Chad gaye hum teesre maale pe,
Ab iss darwaaze se bas seediyan utarti hai,
Inn diwaro me ab kya nahi milta humko,
Bas puchne ki deri hai, aur pal bhar ka abhaas
Yaha Khidkiyon ke bahar sab dundhla dikhta hai,
Kabhi jhaankh lete hai chai peete peete,
Adark ya nimbu,
Ek namkeen muskurahat chak lete hai
Kabhi nishano se yaad aata hai,
Ki waha Zakhm hua karte the,
Aur hum kal ko bula lete hai,
Kuch parchiyo pe chipki milti hai
Kabhi dastak sunte hai darwaazo pe,
Koi Ajnabi hai shaayad,
Naajane kyon chala aata hai
Naajane kyon laut ke chala jaata hai
Ek ehasaas yahi kahi ruki hai shaayad,
Aur aaj bhi waqt rukta nahi,
Ungliyo ke nishaano mein pehchaan meri,
Aur ye kuch unkahe alfaaz
Chad gaye hai hum teesre maale pe,
Ab Iss darwaaze se bas seediyan utarti hai ..
Loved this!! Gulzaar Saab jaise ekdam :) I know someone on Twitter, who would love to read this. Will share :)
ReplyDeleteThis is really beautiful and inspiring.
ReplyDeleteBade arse baad kuch aisa padhne ko mila, bahut achcha laga.
Thank you :)
Chintan - welcome! thank you :) ; Gulzar is of course unparalleled. As our hair changes color, perhaps we see the that which is between black and white :)
ReplyDeleteAC - thank you :)